September 24, 2006
Dingdong Dantes Topbills Atlantika
Ang gandang pagmasdan ni Dingdong Dantes sa ilalim ng tubig na animo'y isa siyang isda na lumalanguy-langoy sa bagong telefantasya ng GMA na Atlantika (magsisimula sa Oktubre 2 sa GMA Telebabad).
Siya ang bidang si Aquano, isang matapang na binatang may dugong bughaw. Sa kanya nakasalalay ang tanging pag-asa ng misteryosong daigdig na nasa puso ng karagatan na kung tawagin ay Atlantika.
"Mahirap siya! It was harder than I expected, lalo na 'yung underwater scenes namin. Kakaiba siya. Kailangan talaga, may espesyal na pagsasanay para doon gaya ng diving," bulalas ni Dingdong nang makausap namin sa press launch ng Atlantika nu'ng Martes ng gabi sa Studio 3 ng GMA Network.
"To be a diver, may tinatawag na 'intro dive' na about 7 sessions. Per session, sinasagad mo 'yung buong araw. Bukod doon, ang pinakapraktis talaga na feeling ko eh, effective is 'yung sumasabak na kami sa taping.
"Kasi, iba 'yung praktis sa pool, iba 'yung actual taping. Hindi talaga ako diver. Recently lang ako nag-aral ng diving para rito sa Atlantika. I trained under SDI (Scuba Divers International) kay Dr. Mike Perez.
"Ang importante sa diving is 'yung breathing kasi, bababa kayo ng more than 20 feet sa tubig. Tapos, iiwanan na kayo roon na wala kayong diving apparatus.
"Syempre, if you're down there, hindi ka naman pwedeng bigla ka na lang aahon! Ang tagal namin sa tubig. Nu'ng unang shoot namin, inabot kami ng 12 hours sa ilalim ng tubig!
"Umaahon lang kami para kumain. Ang pinakamatagal ko sa ilalim na walang ahunan eh, mga oras din ang binilang. Kasi, may regulator din kami sa ilalim, eh. Kaya tuluy-tuloy 'yon buong araw. Tinatanggal lang ang aparato pag magti-take na," masiglang kuwento ni Dingdong.
Bata pa lang daw siya ay marunong na siyang lumangoy, pero 'yung langoy na kumakampay-kampay ang katawan na parang isda (o sirena) ay pinraktis lang niya sa set. Magaling na bang sumisid si Dingdong?
"Hindi pa naman. Sana! He! He! He!
"During the process kasi, marami pa kaming matututunan. I can say na mas mahirap ito physically kesa sa Encantadia. Sobra!
"That's beside the fact na kailangan mong dumilat sa ilalim ng tubig! Eh, hindi kami sa pool lang nagsu-shoot kundi talagang sa dagat sa Anilao, Batangas.
"Nu'ng first day ng taping namin, pag-ahon ko nu'ng gabi, namumula na 'yung mata ko! Tapos, puro sunburn na ako!" pakli niya, sabay pakita sa amin ng nagbabalat niyang likod at balikat.
Inaabot ng 10 minuto si Dingdong sa pagsusuot ng kanyang body-hugging Aquano costume. Nako-conscious ba siya dahil may bumabakat-bakat sa kanyang hapit na costume?
"Hindi, okey lang! Lahat naman kami, eh! Hindi ako nag-iisa! Ha! Ha! Ha!" tawa niya.
Hinipo namin ang mala-wetsuit na costume ni Dingdong na gawa sa neoprene fabric at in fairness ay makapal ito kaya hindi gaanong babakat ang dapat bumakat.
Makapal daw talaga ito dahil iba ang temperature sa ilalim ng tubig at lalamigin sila kung manipis ang suot. Okey lang kay Dingdong na maging mas sexy pa ang costume niya sa Atlantika kung kinakailangan.
Tatlo ang kanyang Aquano costume, 'yung suot niya sa presscon na tipong panlangoy, isang tila warrior costume at isang mala-tsaleko na sinusuot niya 'pag nasa loob ng Atlantika.
Nag-enjoy din daw si Dingdong sa paghawak ng 2nd unit ng show nu'ng hindi pa siya nagti-taping ng mga eksena niya sa Atlantika (end of 3rd week pa kasi siya papasok). Siya ang nagdirek ng mga eksena sa mundong mortal nina Cherry Pie Picache, Celia Rodriguez, atbp.
Ayaw niyang sabihin na Atlantika is bigger and better than Encantadia dahil mahirap pantayan ang success ng mga naunang telefantasya ng GMA, pero masaya ang binata na may kakaiba at engrandeng programa na namang matutunghayan ang mga manonood.
Alam din ni Dingdong na mas malaki ang pressure sa kanya ngayon dahil siya ang pinakabida ng Atlantika at siya ang magdadala nito.
"That's why I'm working very hard!" nakangiting sambit ni Dingdong.
ShowBuzz Archives
View Archives for February 2007
View Archives for January 2007
View Archives for December 2006
View Archives for November 2006
View Archives for October 2006
View Archives for September 2006
View Archives for "August 2006"
View Archives for "July 2006"
View Archives for "June 2006"
View Archives for "April 2006"
ShowBuzz Categories
Did not find the stories and/or pictures you're looking for? Find it using the ShowBuzz Categories!
View Category "Advertising World"
View Category "All About Movies"
View Category "ASAP"
View Category "Bituing Walang Ningning"
View Category "Captain Barbell"
View Category "Cartoons Fever"
View Category "Celebrity Focus"
View Category "Celebrity Pairs"
View Category "Celebrity Pictures"
View Category "Fashion Shows"
View Category "Hunks Galore"
View Category "I Love Bench"
View Category "I Luv NY"
View Category "International Scene"
View Category "Majika"
View Category "My Music Station"
View Category "Philippine Idol"
View Category "Pinoy Big Brother"
View Category "Pinoy Dream Academy"
View Category "Sa Piling Mo"
View Category "Sexy Babes Parade '07"
View Category "Sexy Babes Parade '06"
View Category "Sports World"
View Category "Television Addict"
View Category "Television Ratings"
View Category "U Can Dance"
